Sibirdə gənə sancması ilə bağlı iki ciddi hadisə baş verib. Zərər görən yeniyetmələr Beyin Klinik İnstitutunda müalicə olunmalı olublar.
Qaziler.az xəbər verir ki, bu barədə “Rossiyskaya qazeta” yazır.
Belə ki, Tomskdan olan 16 yaşlı məktəbliyə əvvəlcə Laym xəstəliyi diaqnozu qoyulub, lakin ikinci gənə sancmasından sonra tibbi yardıma müraciət etməyib.
İki həftə sonra yeniyetmənin vəziyyəti pisləşib və həkimlər onu meningoensefalit diaqnozu ilə xəstəxanaya yerləşdiriblər. Məlumata görə, xəstə komaya düşüb və süni tənəffüs aparatına qoşulub.
Daha sonra yeniyetmə oğlan Yekaterinburqdakı Beyin İnstitutuna təxliyə edilib və orada geniş müalicə və sağalma mərhələsindən keçib.
Başqa bir hadisə Omskda yaşanıb: 17 yaşlı oğlan iki gənə tərəfindən dişləndikdən sonra ağır gənə ensefalit xəstəliyi ilə reanimasiyaya yerləşdirilib.
Müalicə altı aydan çox davam edib, bundan sonra zərərçəkən reabilitasiya üçün Sverdlovsk vilayətindəki Beyin Klinik İnstitutuna göndərilib.
Hər iki hadisədə yeniyetmələr vaxtında göstərilən yardım sayəsində həyatda qala biliblər.
QAZİLER.AZ
