İstifadəçilər artıq smartfonlarını hər 1–2 ildən bir dəyişmir – bu gün bir çox cihaz 4–5 il istifadə olunur...
Poliqon xəbər verir ki, BGR nəşrinin yazdığına görə, cihaz nə qədər bahalıdırsa, onun uzun illər problemsiz işləmə ehtimalı da bir o qədər yüksəkdir. Bununla belə, daha əlçatan modellər arasında da uzunömürlü variantlar mövcuddur.
Ekspertlər məsləhət görür ki, əgər cihazı yaxın illərdə dəyişməyi planlaşdırmırsınızsa, daha güclü, geniş yaddaşlı və uzunmüddətli dəstəyə malik modelə investisiya etmək daha məqsədəuyğundur.
Pixel 10 Pro XL
Uzunmüddətli istifadə üçün ən yaxşı variantlardan biri 2025-ci ilin yayında təqdim olunan "Pixel 10 Pro XL" hesab olunur. Cihaz 7 il ərzində Android və təhlükəsizlik yeniləmələri alacaq. O, güclü "Tensor G5" çipi, 16 QB-a qədər operativ yaddaş və 5200 mAh batareya ilə təchiz edilib.
Bundan əlavə, "Google" batareyanın dəyişdirilməsi və ekranın təmiri daxil olan genişləndirilmiş zəmanət təklif edir ki, bu da cihazı uzunmüddətli istifadə üçün daha cəlbedici edir.
iPhone 17 Pro Max
Güclü rəqiblərdən biri də "iPhone 17 Pro Max" modelidir. "A19 Pro" prosessoru, 12 QB RAM və iPhone tarixində ən böyük batareyası sayəsində cihaz ən azı beş il актуallığını qoruyur.
"Apple" ənənəvi olaraq cihazlarını 5–6 il iOS yeniləmələri ilə dəstəkləyir. Bundan əlavə, ikinci nəsil "Ceramic Shield" qoruyucu şüşə cihazın davamlılığını artırır.
Galaxy S26 Ultra
"Samsung" şirkətinin "Galaxy S26 Ultra" modeli də geri qalmır. Smartfon 7 il proqram təminatı dəstəyi, güclü prosessor və təxminən 4 illik aktiv istifadə üçün nəzərdə tutulmuş batareya ilə seçilir.
Cihaz IP68 standartı ilə su və tozdan qorunur, həmçinin "Corning Gorilla Glass Armor 2" ilə möhkəmləndirilmiş alüminium korpusa malikdir.
iPhone 17e
Daha münasib qiymət axtaranlar üçün "iPhone 17e" uyğun seçimdir. Daha aşağı qiymətə baxmayaraq, "A19" prosessoru sayəsində yüksək performans təqdim edir və demək olar ki, "iPhone 17 Pro Max" qədər güclüdür.
Hər iki model ən azı 5 il eyni səviyyədə iOS yeniləmələri alacaq. Ekspertlər qeyd edir ki, uzunömürlü smartfon almaq üçün mütləq 1000 dollardan artıq vəsait xərcləmək lazım deyil.
Fairphone 6
Xüsusi diqqətə layiq modellərdən biri də "Fairphone 6"dır. Bu, modul quruluşlu və istifadəçi tərəfindən təmir oluna bilən unikal smartfondur.
Cihaz 8 il yeniləmə dəstəyi və asanlıqla dəyişdirilə bilən çıxarıla bilən batareya təklif edir. Prosessoru flaqman modellərdən zəif olsa da, onun təmirə yararlılığı və uzunömürlülüyü bazarda ən dayanıqlı cihazlardan biri olmasını təmin edir.
Poliqon.info
