ain.az, Bizimyol portalına istinadən məlumat yayır.
Rusiya müttəfiqi olan Macarıstanın baş naziri Viktor Orbanın parlament seçkilərində məğlubiyyətini ictimaiyyətə kiçik bir hadisə kimi təqdim etməyə çalışır, lakin bu, Kreml üçün ciddi geosiyasi zərbədir.
Bizimyol.info xəbər verir ki, bu barədə Müharibə Tədqiqi İnstitutu (MTİ) məlumat verib.
Analitiklərin qiymətləndirməsinə görə, Vladimir Putin Orbanı şəxsi səviyyədə dəstəkləyib və onun məğlubiyyəti Moskva üçün Avropa İttifaqındakı əsas tərəfdaşlardan birini itirmək deməkdir.
Kremlin mətbuat katibi Dmitri Peskov bildirib ki, Moskva Macarıstanın müxalifət lideri Peter Madyarı təbrik etməyi planlaşdırmır. O həmçinin Macarıstanı Rusiya əleyhinə sanksiyaları dəstəklədiyinə görə “dost olmayan ölkə” adlandırıb və Avropa İttifaqı ilə münasibətlərin “artıq ən aşağı səviyyədə” olduğunu əlavə edib.
Eyni zamanda, Rusiya xarici işlər naziri Sergey Lavrov, yeni hökumətlə Budapeştdə işləməyə hazır olduqlarını, bununla belə, bu əməkdaşlıq hökumətin “öz milli maraqlarını necə anlayacağına” bağlı olduğunu deyib.
Rusiya hərbi bloqçuları vəziyyəti fərqli qiymətləndirirlər: bir qismi Orbanın məğlubiyyətini kiçildir və ya onun Kremlə yaxınlığını şübhə altına alır. Digərləri isə açıq şəkildə etiraf edirlər ki, Moskva əhəmiyyətli bir müttəfiqi itirib; bu müttəfiq əvvəllər Aİ-də Rusiyanın ziyanına olan qərarların qarşısını alırdı.
MTİ ekspertlərinin fikrincə, Kreml bu hadisənin əhəmiyyətini qəsdən aşağı salır və vəziyyət üzərində nəzarət etdiyini nümayiş etdirməyə çalışır. Beləliklə, Moskva göstərmək istəyir ki, Orban olmasa belə, Ukrayna Rusiyanın müharibəni bitirmək şərtləri qarşısında təzyiq altında qalacaq.
Ukrayna mətbuatı xəbər verir ki, Macarıstanda seçkilərin qalibi Peter Madyar Budapeştlə Aİ arasında Orbanın 16 illik hakimiyyəti zamanı pozulmuş münasibətləri bərpa etmək məqsədilə geniş miqyaslı bir razılaşma hazırlayır. "Politico" yazır ki, Madyar Brüsseldən nə istədiyini yaxşı bilir və Brüssel də Budapeştdən nə gözlədiyini bilir.
Xüsusilə, Madyar bildirib ki, Ukraynanın Aİ-dən 90 milyard avroluq kredit almasına mane olmayacaq – bu kredit onun əvvəlki rəqibi Viktor Orban tərəfindən bloklanmışdı.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
