Çin lideri Si Cinpin Yaxın Şərqdə sülhün qorunması üçün dörd təklif irəli sürüb. Bunlar regional ölkələrin suverenliyinə hörmət, inkişaf və təhlükəsizliyin əlaqələndirilməsi, dinc yanaşı yaşama prinsipinə riayət etmək və beynəlxalq hüququn aliliyinə riayət etməkdir.
Çin Mərkəzi Televiziyasının məlumatına görə, Si Cinpin təkliflərini Pekində Əbu-Dabi vəliəhdi Şeyx Xalid bin Məhəmməd Əl Nəhyan ilə görüşündə irəli sürdü.
Çin lideri bildirib ki, "Regional ölkələrin suverenliyinə, təhlükəsizliyinə və ərazi bütövlüyünə hörmət edilməli, vətəndaşlarının, obyektlərinin və qurumlarının təhlükəsizliyi etibarlı şəkildə təmin edilməlidir". O qeyd edib ki, Yaxın Şərq və Fars körfəzi ölkələri bir-biri ilə sıx bağlıdır və buna görə də regional təhlükəsizlik sistemi yaratmaq üçün birgə çalışmalıdırlar.
