ABŞ vitse-prezidenti Vatikanı tənqid etdi » AzadMedia.az

ABŞ-ın vitse-prezidenti J. D. Vance Vatikanın siyasi bəyanatlar vermək əvəzinə kilsədaxili məsələlərə diqqət yetirməli olduğunu bildirib.

O, 13 aprel tarixində Fox News telekanalına müsahibəsində qeyd edib ki, Vatikan üçün ən doğru yol mənəvi məsələlər və Katolik kilsəsində baş verən proseslərlə məşğul olmaqdır. Vens vurğulayıb ki, ABŞ prezidenti isə ölkənin dövlət siyasətini müəyyən etməlidir.

Bu açıqlama Pope Leo XIV ilə Donald Trump arasında Yaxın Şərqdə mümkün hərbi əməliyyatlarla bağlı yaranmış fikir ayrılığı fonunda səsləndirilib.

Belə ki, Papa 7 aprel tarixində İtaliyada çıxışı zamanı Trampın İrana və onun xalqına yönəlmiş təhdidlərini qəbuledilməz adlandırıb. O, beynəlxalq ictimaiyyəti mümkün hərbi qarşıdurmanın mülki əhali üçün ağır nəticələri barədə düşünməyə çağırıb.

Öz növbəsində, Tramp 12 aprel tarixində pontifiki tənqid edərək bildirib ki, Papa seçilməsində ABŞ faktorunun mühüm rolu olub. O, Vatikanın bu addımını kilsənin onunla daha rahat əməkdaşlıq etmək istəyi ilə əlaqələndirib.