Dumandır, çiskindir səmanın üzü
Cənub qardaşların yumulmur gözü.
Çəkilib yuxusu ərşə hamının,
Bəlalıdır başı "Savalan" dağın.
Tək qalıb meydanda bacı-qardaşım,
Çatmayır nə əlim, nə də ki, yaşım.
Deyin, bu dərd ilə necə barışım?
Qalıb o biri tayda, qohum-qardaşım.
Atılıb meydana ərən igidlər
Qovurlar düşməni evinə qədər.
Yoxdur gözlərində bir damcı qorxu,
Çatıb yağılara ölümün xofu.
Çox çəkməz qələbə sizinlə olar,
Yalançı, yaltaqlar ifşa olunar.
Tanıyın həyatda dostu-düşməni,
Qoruyun, can qurban, ana vətəni!
Tanrımız həmişə sizinlə olsun,
Qəlbiniz sevinclə, fərəhlə dolsun.
Halaldır sizlərə ananın südü,
Var olsun verilən ata öyüdü.
✍🏻Nazim Sarablı
