ain.az, Yeniavaz saytından verilən məlumata əsaslanaraq xəbər yayır.
“Macarıstan Avropa İttifaqının Ukraynaya 90 milyard avroluq kreditini bloklamaq niyyətində deyil”.
Yeniavaz.com xəbər verir ki, bu barədə seçkilərdə qalib gələn “Tisa” partiyasının lideri Peter Madyar mətbuat konfransında danışıb.
Madyar vurğulayıb ki, Macarıstanın vəsaitləri bu ümumavropa kreditində istifadə olunmayacaq.
Qeyd edək ki, Aİ liderləri (Macarıstanın keçmiş Baş naziri Viktor Orban da daxil olmaqla) 2025-ci ilin dekabrında Ukraynaya 90 milyard avroluq kreditlə razılaşıblar. Macarıstana, eləcə də Çexiya və Slovakiyaya kreditə öz vəsaitlərini yatırmamaq seçimi verilib.
Aİ liderləri tərəfindən kreditlə bağlı rəsmi səsvermə fevral ayına təyin olunmuşdu. Qısa müddət əvvəl Orban Macarıstanın razılığını geri götürdüyünü və kreditə veto qoyacağını açıqlayıb. Buna səbəb “Drujba” boru kəməri vasitəsilə Macarıstana Rusiya neftinin daşınmasının dayandırılması olub. Ukrayna bunun Rusiyanın pilotsuz təyyarəsinin hücumu ilə bağlı olduğunu iddia edib. Bunun müstəqil təsdiqi olmayıb və Kiyev Avropa müfəttişlərinin əraziyə daxil olmasına icazə verməkdən imtina edib.
Hadisənin gedişatını izləmək üçün ain.az saytında ən son yeniliklərə baxın.
