ABŞ və İran danışıqlar prosesindən imtina etməyib; bütün tərəflər razılaşmanın mümkün olduğuna inanırlar.
"YEni Sabah" Axios-a istinadla xəbər verir ki, regional mənbə vəziyyətin çıxılmaz olmadığını bildirib:
"Dialoq qapısı bağlı deyil. Hər iki tərəf danışıqlar aparır. Bu, bir sövdə bazarıdır".
Vasitəçilər atəşkəsin aprelin 21-də bitməsindən əvvəl daha bir danışıqlar raundu təşkil etməyə ümid edirlər.
Adı açıqlanmayan ABŞ rəsmisi qeyd edib ki, Pakistan, Misir və Türkiyədən olan vasitəçilər fikir ayrılıqlarını həll etmək üçün ABŞ və İranla əlaqə saxlamağa davam edirlər. İslamabadda danışıqlardan sonra Türkiyə və Misir xarici işlər nazirləri ayrı-ayrılıqda Pakistan xarici işlər nazirinə zəng edib və hər ikisi ABŞ Prezidentinin xüsusi elçisi Stiv Uitkoff və İran xarici işlər naziri Abbas Əraqçi ilə danışıblar.
ABŞ rəsmisi qeyd edib ki, danışıqlar "gərgin" keçib, lakin sonradan "dostcasına və məhsuldar fikir mübadiləsi" baş tutub. Onun sözlərinə görə, Tehran çeviklik nümayiş etdirərsə və ABŞ-dən ən yaxşı təklifi aldığını etiraf edərsə, razılaşma mümkündür.
Mənbələr nüvə məsələsinin fikir ayrılığının əsasını təşkil etdiyini vurğulayıblar: ABŞ İrandan uran zənginləşdirməsini dayandırmağı və yüksək dərəcədə zənginləşdirilmiş uran ehtiyatlarını təhvil verməyi tələb edir. Tərəflər Tehranın nüvə güzəştləri müqabilində ABŞ-ın İrana nə qədər maliyyə ayıracağını da müzakirə edirlər.
ABŞ rəsmisi bildirib ki, ABŞ nümayəndə heyətinin İslamabaddan getməsi, eləcə də ABŞ-ın Hörmüz boğazına blokada tətbiq etmək qərarı danışıqlar taktikasının bir hissəsidir: Prezidenti Donald Tramp İranın boğazdan təzyiq vasitəsi kimi istifadə etməsini istəmir.
Mənbələrin sözlərinə görə, blokada İranı kursunu dəyişməyə inandıra bilməsə, Tramp İrana zərbələri bərpa etməyi düşünür. Mümkün hədəflər arasında Trampın atəşkəsdən əvvəl qeyd etdiyi infrastruktur obyektləri də var.
Telegram kanalımız
