Hesablama Palatası dövlət satınalmaları sahəsində aparılan yoxlamalar zamanı ən çox rast gəlinən pozuntuları açıqlayıb. Bu barədə palatanın 2025-ci il hesabatında qeyd olunub.
Palatanın məlumatına görə, ən geniş yayılmış problem razılaşdırılmış tarixdən əvvəl və məbləğdən artıq bağlanmış müqavilələr olub.
Bu hal ümumi pozuntuların 35,7%-ni təşkil edib.
Bundan əlavə, müqavilə şərtlərinə əməl olunmaması və dəyişdirilməsi halları 16,1% səviyyəsində qeydə alınıb.
Öhdəliklərin yerinə yetirilməməsinə görə cərimələrin tətbiq olunmaması isə 22,5% təşkil edib.
Hesabatda qeyd edilir ki, satınalma keçirilmədən birbaşa bağlanmış müqavilələr də müşahidə olunub və bu hallar ümumi pozuntuların 8,7%-ni əhatə edib.
Digər pozuntuların payı isə 17% olub.
Palata bu sahədə şəffaflığın artırılması, müqavilə intizamının gücləndirilməsi və nəzarət mexanizmlərinin təkmilləşdirilməsi zəruriliyini vurğulayıb.
Gülnar Nazimqızı
