Vətəninfo.az xəbər verir ki, Tramp “Truth Social” platformasında paylaşım edərək, Papanın siyasətini dəstəkləmədiyini bildirib və onu bir sıra məsələlərdə ittiham edib. ABŞ lideri Papanı cinayətkarlıqla mübarizədə “zəif”, xarici siyasətdə isə “dəhşətli” adlandırıb.
Tramp qeyd edib ki, İranın nüvə silahına sahib olmasını normal qəbul edən, eləcə də ABŞ-ın Venesuelaya qarşı mümkün addımlarını tənqid edən bir Papa istəmir. O, Venesuelanı ABŞ-a narkotik axınında və cinayətkarların göndərilməsində ittiham edərək, bu mövzuda Papanın mövqeyini qəbul etmədiyini vurğulayıb.
ABŞ prezidenti əlavə edib ki, Papa ABŞ rəhbərliyini tənqid etməməlidir və daha çox dini fəaliyyətinə fokuslanmalıdır: “O, siyasətçi yox, yaxşı Papa olmağa diqqət yetirməlidir”.
Tramp həmçinin jurnalistlərə açıqlamasında Pope Leo XIV-in “böyük fanatı olmadığını” bildirib.
Qeyd edək ki, bundan əvvəl Papa XIV Leo Trampın İranla bağlı sərt bəyanatlarını tənqid edərək, onları “qəbuledilməz” adlandırmışdı. O, beynəlxalq münasibətlərdə sülh və dialoqun vacibliyini vurğulayaraq, müharibə ritorikasından imtina etməyə çağırıb.
