Məşhur maliyyəçi və treder Corc Sorosun rəhbərlik etdiyi təşkilat Macarıstanda hakimiyyəti zəbt edib.
Oxu.Az xəbər verir ki, bu iddianı sahibkar İlon Mask "X" sosial media platformasında Corc Sorosun oğlu Aleksin Macarıstandakı seçki barədə dərc etdiyi posta münasibət bildirərkən irəli sürüb.
Bundan öncə Sorosun oğlu özünün "X" hesabında bəyan etmişdi ki, müxalifətdə olan "Tisa" partiyasının parlament seçkisində qalib gəlməsi ilə Macarıstan xalqı ölkəsini özünə qaytarıb. O bunu dərinləşmiş korrupsiya və xarici müdaxilənin kəskin şəkildə rədd edilməsi adlandırıb. Mask isə Sorosun bu fikirlərinə "Soros təşkilatı Macarıstanda hakimiyyəti zəbt etdi" şəklində cavab yazıb.
Bununla belə, milyarder məhz hansı qurumun nəzərdə tutulduğuna aydınlıq gətirməyib. Qeyd edək ki, 95 yaşlı Corc Soros əslən macarıstanlı olan amerikalı treder və maliyyəçidir. O, fəaliyyətinin qlobal səviyyədə demokratiyanı inkişaf etdirmək olduğunu bəyan edən "Açıq Cəmiyyət" (Rusiya ərazisində fəaliyyəti arzuolunmaz hesab olunaraq qadağan edilib) fondlar şəbəkəsinin qurucusudur.
Xatırladaq ki, Macarıstanda keçirilən seçkinin yekunlarına görə, "Tisa" partiyası parlamentdə konstitusiya çoxluğuna sahib olub. Seçki bülletenlərinin 97.74%-i emal edildikdən sonra "Tisa"nın 138, Baş nazir Viktor Orbanın "Fides" partiyasının 55, "Bizim ölkəmiz"in isə 6 mandata yiyələndiyi məlum olub.
"Cebheinfo.az"
