Azertag portalından verilən məlumata görə, ain.az xəbər yayır.
Tovuz, 12 aprel, AZƏRTAC
Tovuz rayon Y.Sadıqov adına Bozalqanlı kənd tam orta məktəbində 2010-2011-ci il təvəllüdlü yeniyetmə oğlanlar arasında həndbol üzrə rayon birinciliyi keçirilib.
AZƏRTAC-ın bölgə müxbiri xəbər verir ki, əvvəlcə Ümummilli Lider Heydər Əliyevin, torpaqlarımızın azadlığı və bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
Daha sonra Tovuz rayonu üzrə gənclər və idman sektorunun müdiri Vasif Abdullayev çıxış edərək məktəblilərin həndbol idman növünə olan marağını yüksək qiymətləndirib və onlara uğurlar arzu edib.
Gərgin idman mübarizəsi şəraitində keçən yarışda l yerə Y.Sadıqov adına Bozalqanlı kənd tam orta ümumtəhsil məktəbin, ll yerə N.Tusi adına təbiət və texniki təmayüllü məktəb-liseyin və lll yerə isə Tovuz şəhər E.Məmmədov adına tam orta ümumtəhsil məktəbin komandaları layiq görülüb. Qalib komandalar Qazax-Tovuz Regional Gənclər və İdman İdarəsinin diplomları ilə təltif olunub. Birincilikdə 96 nəfər iştirak edib.
Müxbir -Ruslan Novruzoğlu
Daha ətraflı məlumat və yeniliklər üçün ain.az saytını izləyin.
