Bizimyol saytından verilən məlumata görə, ain.az xəbər verir.
“Güclü Ermənistan” bloku lideri Samvel Karapetyan Azadlıq Meydanında keçirilən mitinqdə çıxış edərək bildirib ki, baş nazir seçiləcəyi halda, mövcud hakimiyyətin bəyanatlarına baxmayaraq Ermənistanı sabit və sülh dolu bir gələcək gözləyir.
Bizimyol.info xəbər verir ki, Ermənistanın baş naziri Nikol Paşinyan əvvəlcə jurnalistlərə bildirib ki, onun rəqibləri “Azərbaycanla sülhü yenidən gözdən keçirmək mövqeyindən çıxış edirlər”, bu isə onların parlament seçkilərində qalib gəlməsi halında payızda “qaçılmaz müharibə” deməkdir. Paşinyan əlavə edib ki, “faciəvi müharibə” sentyabrda baş verə bilər, əgər onun rəhbərlik etdiyi “Vətəndaş Müqaviləsi” partiyası konstitusiyaya dəyişiklik üçün səs çoxluğu əldə etməsə.
Karapetyan çıxışında vurğulayıb ki, hazırkı hakimiyyət xalqı yoxsulluq, qorxu və müharibə təhlükəsi şəraitində saxlayır. Ona görə də “Güclü Ermənistan” seçkilərdə qalib gələrək dövlətçiliyin əsaslarını dağıdan hakimiyyəti əvəz etməlidir.
O bildirib ki, yeni komanda güclü iqtisadiyyat yaradacaq, zavodları açacaq, 300 min iş yeri təmin edəcək, biznes və kənd təsərrüfatı üçün əlverişli şərait yaradacaq. Karapetyan həmçinin güclü diplomatiya və peşəkar, döyüş qabiliyyətli ordu quracağını, bunun sülh və təhlükəsizliyi kağız üzərində deyil, real həyatda təmin edəcəyini bildirib.
Karapetyan deyib ki, mövcud rejim insanları müharibə ilə qorxudur, hətta sentyabrı göstərirlər — çünki həmin ay 44 günlük müharibə başlayıb.
Karapetyan seçki qələbəsi və baş nazir olması halında Ermənistanda sülhün təmin olunacağını söz verib:
“Mənim sözüm budur ki, qalib gəlsək və mən baş nazir seçilsəm, gələcək sentyabr və bütün sonrakı aylar sülh içində keçəcək”, - deyə bildirib.
Qeyd edək ki, Ermənistanda parlament seçkiləri 7 iyun tarixində keçiriləcək.
Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
