Abşeronda iki xalaqızı kirayə yaşadıqları evdə qətlə yetirilib.
Xezerxeber.az-ın xəbərinə görə, belə ki, iki qadına kəsici-deşici alətlə xəsarət yetirilməsi və onların hadisə yerində ölməsi barədə polisə məlumat daxil olub. Əraziyə cəlb olunan hüquq mühafizə orqanlarının araşdırmalarına görə, öldürülən şəxslərin 39 yaşlı Pərişan Əlövsət qızı Süleymanova və 30 yaşlı Nuranə Rüstəm qızı İsgəndərli olduqları müəyyənləşdirilib.
Qonşuların verdiyi məlumata görə, onlar xalqızı olub və həmin hadisə törədilən mənzildə kirayədə yaşayırmışlar. Qadınlardan biri gecə növbəsində kafelərin birində xadimə kimi çalışırmış. Qətlin isə qısqanclıq və ailə münaqişə zəmnində törədildiyi iddia olunur.
Qətli törədən şəxs hadisə yerindən qaçıb. Hazırda Polis əməkdaşları tərəfindən şübhəli bilinən şəxsin tapılması istiqamətində əməliyyat-axtarış tədbirləri davam etdirilir.
Xezerxeber.az mövzu ilə bağlı daha ətraflı videomaterialı təqdim edir.
