QHT.az xarici mediaya istinadən bildirir ki, Apple-ın kiçik ölçülü masaüstü kompüteri Mac mini son aylarda süni intellekt həvəskarları arasında böyük maraq görür. Buna əsas səbəb “OpenClaw” adlı AI agentinin bu cihazda rahat işləməsidir.
Bu sistem istifadəçinin verdiyi ümumi tapşırıqları avtomatik yerinə yetirərək saytları açır, hesablara daxil olur və müxtəlif məlumatları idarə edir. Mütəxəssislər bildirirlər ki, Mac mini münasib qiyməti, güclü prosessoru və kompakt dizaynı ilə bu məqsəd üçün ideal seçimdir.
Analitiklərin sözlərinə görə, 2025-ci ildə Mac mini satışları nəzərəçarpacaq dərəcədə artıb. Hazırda cihaz xüsusilə texnologiya mütəxəssisləri arasında süni intellekt köməkçisi üçün populyar seçimə çevrilib.
