ain.az, Redaktor.az portalından verilən məlumatlara əsaslanaraq xəbər verir.
Qəzza zolağında humanitar vəziyyətin ağır olaraq qaldığı bildirilir.
Redaktor.az xəbər verir ki, bu barədə Médecins Sans Frontières (Sərhədsiz Həkimlər – MSF) təşkilatının təcili yardım şöbəsinin müdiri Klaie San Filippo açıqlama verib.
O bildirib ki, atəşkəsin başlanmasından altı ay keçməsinə baxmayaraq, bölgədə zorakılıq tam dayanmayıb: “Altı aydan sonra atəşkəs Qəzzada fələstinlilərin soyqırımına son qoymayıb”.
MSF nümayəndəsinin sözlərinə görə, vəziyyət fəlakətli olaraq qalır, çünki hücumlar davam edir və mülki əhalinin normal həyat şəraiti ciddi şəkildə pozulub.
O qeyd edib ki, İsrail hakimiyyəti humanitar yardımın bölgəyə çatdırılmasını da məhdudlaşdırmaqda davam edir.
Təşkilatın məlumatına əsasən, Qəzza Səhiyyə Nazirliyinin göstəricilərinə görə, 10 oktyabr 2025-ci ildə elan edilən atəşkəsdən bəri ən azı 733 nəfər həlak olub, 1913 nəfər yaralanıb.
MSF dünya liderlərini və hökumətləri, o cümlədən ABŞ, Avropa İttifaqı və ərəb ölkələrini mülki əhalinin qorunması, yaşayış şəraitinin bərpası və humanitar yardımın maneəsiz çatdırılması üçün İsrailə təzyiq göstərməyə çağırıb.
Aminə ŞAHSUVARQIZI
Daha ətraflı məlumat və yeniliklər üçün ain.az saytını izləyin.
