AFFA İntizam Komitəsi 2 komandanı texniki məğlubiyyətlə cəzalandırıb.
Sportinfo.az xəbər verir ki, qurumun bugünkü iclasında belə qərar qəbul edilib.
AFFA U-13 Liqasında keçirilən UGİM (Culfa) - UGİM (Şərur) oyunu bitdikdən sonra UGİM-in (Culfa) heyətində 2012-ci il təvəllüdlü Əli Əsgərlinin meydana daxil olduğu üçün sözügedən komandaya 0:3 hesablı texniki məğlubiyyət verilib.
Həmçinin AFFA U-12 Liqasında keçirilən "Araz Saatlı" - "Xan Marafon" oyununun 44-cü dəqiqəsində "Marafon"un məşqçisi Raqib Məmmədov hakimə etiraz olaraq futbolçularını meydandan çıxartdığı üçün komanda 0:3 hesablı texniki məğlubiyyət alıb.
