“ABŞ və İrana danışıqlar zamanı problemli məsələlərin həlli üçün iki həftədən çox vaxt lazım ola bilər”.
Publika.az xəbər verir ki, bunu Türkiyənin xarici işlər naziri Hakan Fidan Ankarada suriyalı həmkarı Asəd əl-Şeybani ilə keçirdiyi birgə mətbuat konfransında bildirib.
"Əgər tərəflər razılaşsalar, atəşkəs müəyyən müddətə uzadıla bilər və danışıqlar davam etdirilər", — deyə o qeyd edib.
Fidan vurğulayıb ki, Yaxın Şərq müharibələrdən, işğaldan və terrorizmdən yorulub. O əlavə edib ki, İsrailin ekspansiyonizminə qarşı beynəlxalq oyunçularla birlikdə beynəlxalq diplomatiya çərçivəsində tədbirlər görülməlidir.
