Bakı, 9 aprel, AZƏRTAC
Çin Elmlər Akademiyasının Psixologiya İnstitutunun alimləri beyinin düşüncə və xarici qavrayış arasında keçidi necə həyata keçirdiyini araşdırıblar.
AZƏRTAC Çinin “China Daily” qəzetinə istinadla xəbər verir ki, tədqiqatda beyinin standart rejim şəbəkəsi (DMN) təhlil olunub. Şəbəkənin alt bölgələri ya məlumat "göndərən", ya da "qəbul edən" rolunu oynayır: qəbuledici sahələr xarici məlumatı alır, göndərən sahələr isə yaddaş və təcrübəyə əsaslanaraq məlumat ötürür.
Alimlər bildiriblər ki, üz tanımaq kimi tapşırıqlarda qəbuledici, yaddaş və keçmiş təcrübəyə əsaslanan qərarlarda isə göndərən sahələr daha aktiv olur.
Tədqiqat rəhbəri Zhang Meyçao bu araşdırmanın beyinin düşüncə və qavrayış arasında necə hamar keçid etdiyini anlamağa kömək etdiyini vurğulayıb.
