Vətəninfo.az xəbər verir ki, Fransa çempionu və Çempionlar Liqasının qalibi PSJ-nin ispaniyalı baş məşqçisi Luis Enrike Çempionlar Liqasının 1/4 finalının ilk oyununda Parisdə keçirilən İngiltərə çempionu Liverpul üzərində 2:0 hesablı qələbəni şərh edib.
“İki qol vurmağımız çox təəssüf doğurur. Azarkeşlərimiz qarşısında yüksək keyfiyyətli oyun nümayiş etdirdik, çox yaxşı oynadıq və daha çox qola layiq idik, amma bu, Çempionlar Liqasıdır. Nəticədən məmnunuq, hələ qarşıda cavab oyunu var.”
“Liverpulun belə oynaması təəccüblü idi. Rəqiblərimizin oyunumuza uyğunlaşmasına öyrəşmişik. Bu dəfə belə olmadı. Amma biz oyunumuza diqqət yetiririk. Liverpulda da qələbə üçün çalışacağıq”, – Canal+ Luis Enrikenin sözlərini sitat gətirir.
Cavab oyunu aprelin 14-də İngiltərədə keçiriləcək.
