Türkiyədə ulduz simaları hədəf alan genişmiqyaslı narkotik istintaqı çərçivəsində hüquq-mühafizə orqanları tərəfindən növbəti səs-küylü əməliyyat həyata keçirilib.
İstanbul Anadolu Baş Prokurorluğunun rəhbərliyi ilə aparılan araşdırmalar nəticəsində cəmiyyətin yaxından tanıdığı sənətçilərin narkotik vasitələrin istifadəsi və təmini cinayətlərində iştirak etdiyi iddia olunur.
NOCOMMENT.az xəbər verir ki, əməliyyat dalğası zamanı aralarında Hafsanur Sancaktutan, Emir Can İğrek, Somer Sivrioğlu, Ahsen Eroğlu, Mert Demir, Emre Fel, Sinem Özenç Ünsal və Burak Deniz kimi tanınmış simaların da olduğu 14 nəfər haqqında saxlanılma qərarı çıxarılıb. İstintaq çərçivəsində həyata keçirilən axtarışlar zamanı şübhəlilərdən 11-i artıq nəzarətə götürülüb.
Məlumata görə, qalan şəxslərdən 2-si barəsində axtarış tədbirləri davam etdirilir, 1 nəfərin isə hazırda xaricdə olduğu müəyyən edilib. Prokurorluqdan verilən açıqlamada cəmiyyətin sağlamlığına qarşı törədilən bu növ cinayətlərlə mübarizənin qətiyyətlə davam etdiriləcəyi vurğulanıb. Saxlanılan məşhurların ifadələrinin alınması və məhkəmə qarşısına çıxarılması üçün prosedurlar başladılıb.
Sara,
NOCOMMENT.az
