İngiltərə kubokunun 1/4 finalında “Mançester Siti”yə 0:4 hesablı məğlubiyyətdən sonra “Liverpul” rəhbərliyi təcili iclas keçirib.
İdmanxeber.az-ın məlumatına görə, müzakirə zamanı baş məşqçi Arne Slotun taleyi gündəmə gəlib. Qərara görə, komanda mövsümü Çempionlar Liqasına vəsiqə ilə başa vurmasa, niderlandlı mütəxəssis postunu itirə bilər.
Bildirilib ki, bu məğlubiyyət “Liverpul”un 2015-ci ildən bəri ən ağır yenilgisi olub.
Hazırda komanda 49 xalla Premyer Liqada 5-ci yerdədir və Çempionlar Liqasının 1/4 finalında çıxışını davam etdirir.
