PSJ-nin yarımmüdafiəçisi Vitinya Çempionlar Liqasının dörddəbir finalı çərçivəsində "Liverpul"la ilk oyundan əvvəl fikirlərini bildirib.
Fanat.Az xəbər verir ki, o, oyunöncəsi keçirilən mətbuat konfransında rəqibin bostanına "daş atıb".
UEFA-nın saytında futbolçudan belə sitat gətirilib: "Bu görüş ötənilki matçlardan fərqli olacaq. Hər iki komanda dəyişib. "Liverpul" hazırda o qədər də parlaq oynamır. Buna baxmayaraq, onlar yenə də əla oyunçuları olan komandadır".
Xatırladaq ki, komandalar ötən tsikldə 1/8 finalda qarşılaşıblar. Hər iki görüşdə 1:0 hesabı qeydə alınmış, penaltilər seriyasında 4:1 hesabı ilə qalib gələn parislilər sonda turnirin də qalibi olublar.
Fransa və İngiltərə klubları arasında 1/4-in ilk oyunu 8 apreldə, cavab görüşü 14 aprel tarixlərində keçiriləcək.
Mirağa
