Bu axşam UEFA Çempionlar Liqasında 1/4 final mərhələsinin növbəti oyunları keçiriləcək.
Oxuməni.az-ın məlumatına görə, bu gün iki qarşılaşma baş tutacaq.
Günün mərkəzi oyununda Parisdə "PSJ" Ingiltərənin "Liverpul"u ilə üz-üzə gələcək. Digər görüşdə isə "Barselona" - "Atletiko" Madrid arasında qarşılaşma baş tutacaq.
Bu gün hər iki oyun Bakı vaxtı ilə saat 23:00-da başlayacaq.
Azərbaycan televiziya tamaşaçıları görüşləri yerli telekanallardan canlı izləyə biləcəklər.
UEFA Çempionlar Liqası
1/4 final
8 aprel
23.00 "PSJ" (Fransa) - " Liverpul" (İngiltərə) - İctimai Televiziya (İTV)
23.00 "Barselona " (İspaniya) - "Atletiko" Madrid (İspaniya) - CBC Sport
Qeyd edək ki, dörddəbir finalın cavab oyunları 14-15 aprel, yarımfinal oyunları isə 28-29 aprel və 5-6 may tarixlərində keçiriləcək. Avropanın ən yaxşı futbol turnirinin finalı 30 mayda Budapeştdə keçiriləcək.
Almaz Həsənli
