“Microsoft” şirkətinin qurucusu Bill Qeyts maliyyəçi, adı müxtəlif cinsi cinayətlətlərdə hallanan Ceffri Epşteyn işi ilə bağlı Konqres qarşısında dindirilməyə razılıq verib.
“Yeni Sabah”ın xəbərinə görə, adı məlum cinayət işinə dair sənədlərdə əks olunan B.Qeyts iyunun 10-da ABŞ Konqresində çıxış edəcək.
O, araşdırmalar davam etdiyi bir vaxtda Nümayəndələr Palatasının Nəzarət Komitəsi ilə əməkdaşlığa razılıq verib.
Qeytsin nümayəndəsi bildirib ki, o, komitənin mühüm işinə dəstək vermək üçün bütün sualları cavablandırmağa hazırdır.
Epşteyn sənədlərində B.Qeytsin adının çəkilməsi ona qarşı rəsmi ittiham irəli sürülməsi anlamına gəlmir və zərərçəkmişlərin heç biri onu qanunsuz əməldə ittiham etməyib.
Qeyd edək ki, 1955-ci il təvəllüdlü Bill Qeyts dünyanın ən zəngin şəxslərindən biridir. Onun sərvəti 2026‑cı ilin aprel ayı etibarilə təxminən 108 milyard ABŞ dolları səviyyəsində qiymətləndirilir ki, bu da onu dünya miqyasında ən yüksək sərvətə sahib milyarderlerden biri edir. Bu sərvət “Microsoft” şirkəti və digər investisiya aktivləri vasitəsilə formalaşmışdır. Qeyd olunmalıdır ki, bu rəqəm onu rəsmi ittiham olunmaması ilə yanaşı, onun iqtisadi gücünün miqyasını da göstərir.
Telegram kanalımız
