Xalq qazeti portalından alınan məlumata görə, ain.az xəbər verir.
Dünya Köçəri Oyunları beynəlxalq etnik idman yarışlarıdır. Köçəri xalqların ənənəvi idman növlərini və mədəniyyətini nümayiş etdirən beynəlxalq yarış və festivaldır.
VI Ümumdünya Köçəri Oyunları 2026-cı il avqustun 31-dən sentyabrın 6-dək Qırğızıstanda keçiriləcək. Təşkilat komitəsinin məlumatına görə, açılış mərasimi Bişkekdə olacaq. Oyunların özü və bağlanış mərasimi Çolpon-Ata şəhərində (İssık-Kul bölgəsi) keçiriləcək.
Ümumdünya Köçəri Oyunlarına 100 ölkədən qonaqların qatılacağı gözlənilir. 56 ölkədən 500-dən çox xarici jurnalistin gələcəyi gözlənilir. Təxminən 40-dan çox ənənəvi idman növü üzrə yarışlar keçiriləcək. Ən məşhur yarış növləri at üstündə oyun, oxatma, müxtəlif milli güləş növləridir.
Məlumat üçün bildirək ki, Birinci Dünya Köçəri Oyunları 2014-cü ildə məhz Qırğızıstanda keçirilib. Azərbaycan da bu oyunlarda fəal iştirak edən ölkələr sırasındadır.
Məsaim ABDULLAYEVXQ
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
