Bağdadda bir evə pilotsuz təyyarənin düşməsi nəticəsində iki nəfərin öldüyü bildirilib.
Missiya.Az "TRT Haber"ə istinadən xəbər verir ki, bu barədə İraq Daxili İşlər Nazirliyi yazılı açıqlama verib.
Həmçinin qeyd olunub ki, Bağdadın Taci və Səba əl-Bur rayonlarında təhlükəsizlik məntəqəsinin yaxınlığındakı Haşd əl-Şabi düşərgəsinə edilən hava hücumu zamanı bir kapitan və dörd təhlükəsizlik işçisi yaralanıb.
Hadisələrin bütün aspektlərini araşdırmaq üçün təcili araşdırmalara başlanıb, vətəndaşlar diqqətli olmağa və hadisə yerindən uzaq durmağa çağırılıb.
İlahə Qənbərli
Missiya.Az
