Bakı, 8 aprel, AZƏRTAC
Avropa diplomatiyasının başçısı Kaya Kallas Yaxın Şərqdə vəziyyəti müzakirə etmək üçün çərşənbə günü Səudiyyə Ərəbistanına səfər edəcək.
AZƏRTAC xəbər verir ki, bu barədə “Politico” nəşri mənbələrə istinadla məlumat yayıb. Mənbənin sözlərinə görə, Kallas Ər-Riyadda Səudiyyə Ərəbistanının xarici işlər naziri Faysal bin Fərhan Əl-Səud, Körfəz Əməkdaşlıq Şurasının baş katibi Casim Əl-Budayvi və regionun digər bir neçə nümayəndəsi ilə görüşəcək.
Qəzet yazır ki, səfər təhlükəsizlik mülahizələrinə əsasən gizli saxlanılıb. “Bu, region üçün təhlükəli bir andır. Körfəz özünün seçmədiyi münaqişəyə sürüklənib”, - deyə Avropa İttifaqının nümayəndəsi bildirib
Kaya Kallasın görüşlərdə mümkün diplomatik həll yollarını müzakirə etməsi gözlənilir.
