Mingəçevirdə avtomobil restoranın divarına çırpılıb.
Bakıvaxtı.az xəbər verir ki, hadisə gecə saat 02 radələrində şəhərin İslamzadə küçəsində baş verib.
“VAZ-2107” markalı avtomobil idarəetmədən çıxaraq restoranın divarına çırpılıb. Nəticədə sürücü, 29 yaşlı Qurban İsmayılov, həmçinin sərnişinlər - 20 yaşlı Ruslan Əhmədov və 23 yaşlı Kənan Məmmədov müxtəlif dərəcəli xəsarətlər alıblar.
Faktla bağlı araşdırma aparılır.
