ain.az bildirir, Demokrat.az portalına istinadən.
Yastıqlar zamanla gözlə görmədiyimiz çirkləri, ölü dəri hüceyrələrini və təri canına çəkir. Dolğu materialında toplanan bu qalıqlar həm yuxu keyfiyyətini aşağı salır, həm də dəri sağlamlığına zərər verir. Vaxtında qulluq etmək həm allergik reaksiyaların qarşısını alır, həm də yataq ləvazimatlarının ömrünü uzadır.Təmizliyə yastıq üzlərindən başlamaq lazımdır. Onları 40 dərəcə temperaturda, rəngini qorumaq üçün oksigenli ağardıcı ilə yumaq olar. Burada əsas məqam durulamadır. Parçanın liflərində qalan yuyucu toz qalıqları dəridə qıcıqlanma yarada bildiyi üçün əlavə yaxalama mütləqdir.Səthdəki tozları təmizləmək üçün yumşaq başlıqlı tozsoran köməyə çatır. Əgər yastığın üzərində tər ləkələri varsa, su və yumşaq yuyucu vasitə ilə həmin nöqtələri zədələmədən təmizləmək mümkündür. Ekspertlər gigiyenik baxımdan bu proseduru hər üç aydan bir təkrarlamağı vacib sayırlar.Yastığın qurudulması isə işin ən məsuliyyətli hissəsidir. Ən ideal variant yastığı günəş altında havalandırmaqdır. Çünki ultrabənövşəyi şüalar bakteriyaları təbii şəkildə məhv edir. Əgər quruducu maşından istifadə edirsinizsə, mütləq həssas rejimi seçməlisiniz. Yastığın daxilində nəmin qalması kif və ağır qoxuların yaranmasına yol açır.Dermatoloqların rəyinə görə, dərin təmizlik dəridə akne və digər səpgilərin yaranma riskini minimuma endirir. Bəzən çətin yağ ləkələrini çıxarmaq üçün qabyuyan maşın həbləri də kifayət qədər təsirli olur.Aytən
Demokrat.az
Hadisənin gedişatını izləmək üçün ain.az saytında ən son yeniliklərə baxın.
