Son 10 ildə Rusiya klubları öz yetirmələrinin satışından 171,5 milyon avro gəlir əldə edib.
90deqiqe.Az-ın Beynəlxalq İdman Araşdırmaları Mərkəzinə (CIES) istinadən məlumatına görə, bu göstərici üzrə rus komandalarının gəlirləri reytinqin lideri İngiltərəyə nisbətən 25 dəfə azdır.
CIES-in 10 il ərzində müxtəlif ölkələrin klublarının öz yetirmələrinin satışından əldə etdiyi gəlirlər üzrə siyahısı:
İngiltərə — 4,37 milyard avro
Fransa — 3 milyard avro
İspaniya — 2,28 milyard avro
Braziliya — 2,24 milyard avro
İtaliya — 1,76 milyard avro
Almaniya — 1,64 milyard avro
Portuqaliya — 1,55 milyard avro
…
Rusiya — 0,17 milyard avro
UEFA-nın kriteriyalarına görə, klubların yetirmələri 15-21 yaş arasında komandanın strukturlarında ən azı üç il keçirmiş bütün futbolçular sayılır.