ain.az bildirir, Demokrat.az portalına istinadən.
Yaponiyada iş görüşməsinə getsəniz, qarşınızdakı şəxs sizə gözlənilməz sual verə bilər. Onlar sizin diplomunuzdan daha çox qan qrupunuzla maraqlanırlar. Çünki orada bu məlumat sadəcə bioloji fakt yox, həm də xarakter və uğur düsturu sayılır.Xüsusilə 0 qan qrupuna sahib olanlar üçün bu vəziyyət həm üstünlük, həm də məsuliyyət deməkdir.0 qan qrupu olan insanların daxili dünyasında sanki heç vaxt sönməyən "mühərrik" var. Onlar təbiətən lider, məsuliyyətli və vicdanlıdırlar. Lakin bu güclü enerjinin bədəli var. Stresslə üzləşəndə həmin nizamlı adam birdən-birə qəzəbli və düşünmədən hərəkət edən birinə çevrilə bilir. Bədənlərindəki yüksək adrenalin səviyyəsi onları daim hərəkətdə olmağa məcbur edir. Əgər bu enerji idmanla və ya aktiv həyatla çıxarılmasa, orqanizm özü-özünə zərər verməyə başlayır.Bu qrupdan olanların mədəsi də bir növ laboratoriya kimi işləyir. Turşu səviyyəsi o qədər yüksəkdir ki, ət məhsullarındakı zülalı saniyələr içində parçalayıb faydalı enerjiyə çevirir. Amma bu yüksək turşuluq həm də mədə xorası riskini artırır. Bu səbəbdən kofein və spirtli içkilər 0 qrupu üçün ən təhlükəli maddələr siyahısındadır. Onsuz da gərgin olan sistemi bir də qəhvə ilə yormaq heç də yaxşı fikir deyil.Metabolizm məsələsində isə bəzi gizli maneələr var. Məsələn, qalxanabənzər vəzinin yavaş işləməsi və yod çatışmazlığı bu fərdlərdə daha çox rast gəlinir. Nəticədə bədəndə ödem toplanır və çəki artımı qaçılmaz olur. Müasir dövrün hərəkətsiz həyat tərzi 0 qrupunun genetik mirasına tamamilə ziddir. Sağlam qalmaq istəyirlərsə, onlar üçün hərəkət sadəcə hobbi yox, həyat ehtiyacıdır.İsmayıl
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
