ABŞ hərbi rəhbərliyi ABŞ prezidenti Donald Trampa İrandakı enerji və nəqliyyat infrastrukturu üçün bir neçə hədəf siyahısını təqdim edib. Bu barədə The Wall Street Journal (WSJ) öz mənbələrinə istinadən məlumat verib.
Qəzetin məlumatına görə, ABŞ ordusu İrana qarşı əməliyyatların yeni mərhələsinə fəal şəkildə hazırlaşır. Mövcud arxiv və cari məlumatlara əsasən Pentaqon bir neçə hədəf siyahısı tərtib edib. Siyahılardan birinin son seçimini Prezident Tramp edəcək.
Amerika lideri martın 26-da İranın enerji infrastrukturuna zərbələrə 6 aprel saat 20:00-dək 10 günlük fasilə elan etdi. Daha sonra Axios portalının xəbər verdiyi kimi, ABŞ prezidenti İranla mümkün razılaşmanın bağlanması üçün son tarixi bir gün uzatdı. Portal Trampın Truth Social sosial şəbəkəsində heç bir izahat vermədən yazdığı paylaşımına şərh verdi: “Çərşənbə axşamı, Şərq vaxtı ilə saat 20:00”. Bazar ertəsi günü Tramp İranın bütün körpülərini və elektrik stansiyalarını dağıtmaqla hədələdi və daha dəhşətli nəticələrə işarə etdi.
7 apreldə Etemad Online ABŞ və İsrailin hava hücumlarının İranın şimal-qərbindəki Təbriz və Zəncan şəhərlərini birləşdirən avtomobil körpüsünü hədəf aldığını bildirib. ABŞ və İsrail həmçinin İranın Kaşan şəhərindəki dəmir yolu körpüsünə hücum edib. Hücum nəticəsində ən azı iki nəfər ölüb.
