Hakim partiyadan olan deputat Arusyak Culakyan bildirib ki, partiya adlarında şəxs adlarının qadağan edilməsi və səsverməyə nəzarətin gücləndirilməsi ilə bağlı zərurət cəmi bir neçə gün əvvəl yaranıb. Sənədlərin qəbulu aprelin 13-də başladığı üçün məsələ növbədənkənar iclasa çıxarılıb.
"Ermənistan" blokunun deputatı Geqam Manukyan Venesiya Komissiyasının tövsiyələrini xatırladaraq, seçkilərə bir ildən az qalmış fundamental qaydaların dəyişdirilməsinin beynəlxalq praktikaya zidd olduğunu vurğulayıb.
Respublikaçılar Partiyasının təmsilçisi Hayk Mamicanyan müzakirələrin mənasız olduğunu bildirərək, layihənin əleyhinə səs verəcəklərini bəyan edib.
Təklifinizi, şikayətinizi bizə yazın. Sizi dinlərik. 055 634 88 31
