İran ABŞ-dən münaqişənin həlli ilə bağlı təklif alıb.
Redaktor.az xəbər verir ki, bu barədə məlumatı "Fars" Tehrandakı bir məmura istinadən yayıb.
Məlumata görə, təklif çərçivəsində danışıqlar qrupunda ABŞ-nin xüsusi elçisi Stiv Uitkoff vitse-prezident C.D. Vens ilə əvəz olunacaq.
Rəsmi qeyd edib ki, ABŞ Prezidenti Donald Tramp görüş və razılaşma axtarır və ABŞ İranla davam edən münaqişə fonunda gələn həftə enerji qiymətlərinin mümkün artımından narahatdır.
Tramp 5 apreldə Axios-a verdiyi müsahibədə bildirib ki, ABŞ-ın İranla hazırkı danışıqlarının 7 aprelə qədər razılığa gəlmə ehtimalı yüksəkdir. Daha əvvəl Tramp Truth Social üzərindən İranın Hörmüz boğazını açması üçün 6 aprel tarixinə son tarix təyin etmişdi, əks halda enerji və mülki infrastrukturuna hücumlarla üzləşəcəkdi. Daha sonra bu son tarix 7 apreldə Şərqi Avropa vaxtı ilə saat 20:00-a (8 apreldə Moskva vaxtı ilə saat 03:00) qədər uzadılıb.
Aminə ŞAHSUVARQIZI
