İHA-lar Rusiyanın Rossoş şəhərində gübrə zavoduna hücum edib.
Rossoşdakı zavod, digər şeylərlə yanaşı, partlayıcı maddələrin istehsalında istifadə edilən ammonium nitrat istehsal edir.
Bazar ertəsi axşamı dronlar Voronej vilayətinin Rossoş şəhərindəki ASC Minudobreniya zavoduna hücum edib. Bu barədə bir neçə Telegram kanalı məlumat verib.
OSINT analitikləri zavodun ərazisində bir neçə zərbənin olduğunu bildirirlər.
"Video əsas gübrə anbarında baş verən yanğını təsdiqləyir (yanğın zonası şəkildə mavi rənglə qeyd olunub). Genişmiqyaslı partlayış riski var; oxşar zərbə Dorogobujdakı "Beyrut"a səbəb olub", - CyberBoroshno kanalı xəbər verir.
Qeyd olunur ki, zavod Rusiyanın ümumi istehsalının təxminən 5%-ni təşkil edən partlayıcı maddələrdə istifadə olunan ammonium nitrat, eləcə də Rusiyanın ümumi istehsalının təxminən 7,5%-ni təşkil edən NPK komponentli gübrələr istehsal edir və əsas istehsalçıdır.
Əziz MUSTAFA
