İran tərəfindən vurulan Amerika qırıcı təyyarəsinin ikinci pilotunu xilas etmək üçün xilasetmə əməliyyatına ABŞ Ordusunun elit “Delta Force” qüvvələri və ABŞ Hərbi Dəniz Qüvvələrinin SEAL bölmələri cəlb edilib.
Yeniavaz.com xəbər verir ki, bu barədə CNN telekanalı məsələ ilə tanış olan mənbəyə istinadla məlumat yayıb.
Mənbə onların ABŞ Hərbi Hava Qüvvələri polkovnikinin İran ərazisindən çıxarılması ilə bağlı təşkil edilən missiyaya hazırlıq, xilasetmə və təxliyəsində iştirak edən yüzlərlə xüsusi əməliyyat heyəti, eləcə də Amerika hərbi və kəşfiyyat heyəti arasında olduğunu bildirib.
Telekanalın bundan əvvəl xəbər verdiyi kimi, yaralı zabit iki günlük riskli axtarışlardan sonra nəhayət xilas edilib. Onun “F-15E Strike Eagle” qırıcı təyyarəsi cümə günü İranın cənub-qərbində gecə missiyası zamanı vurulub. İlk pilot hələ cümə günü tapılıb və İrandan çıxarılıb.
Mənbə bildirib ki, qırıcı təyyarə ABŞ Hərbi Hava Qüvvələrinin 48-ci Hava Limanına məxsusdur və təyyarələr Böyük Britaniyadakı Leykenhit Hava Bazasından Yaxın Şərqə yerləşdirilib.
