ain.az, sport24.az portalına istinadən məlumat verir.
"Korintians" Braziliya Çempionatının 10-cu turunda "İnternasional"a evdə 1-0 hesabı ilə məğlub olduqdan sonra baş məşqçi Dorival Junioru istefaya yollayıb. Sport24.az xəbər verir ki, bu barədə klubun rəsmi saytı məlumat yayıb.
Cari mövsümdə komandanın qələbəsiz seriyası artıq 9 oyuna çatıb. Hazırda turnir cədvəlində 16-cı yerdə olan "Korintians"ı düşmə zonasından cəmi iki xal ayırır.
63 yaşlı Dorival Junioru müvəqqəti olaraq U-20-nin məşqçisi Uilyam Batista ilə əvəzləyəcək.
Qeyd edək ki, postundan qovulan baş məşqçinin müqaviləsi 2026-cı il dekabrın 31-dək nəzərdə tutulmuşdu. Dorival Junior komandaya 2025-ci ilin aprelində gəlib. "Korintians" onun rəhbərliyi altında 63 matçdan 26-da qalib gəlib, 19-da heç-heçə edib, 18-də isə uduzub.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
