ain.az, Demokrat.az saytından verilən məlumata əsaslanaraq xəbər yayır.
Amerikanın Həyat Tərzi Təbabəti Kollecinin ekspertləri ikinci tip şəkərli diabetin ömürlük olmadığını bəyan ediblər. Pəhriz və gündəlik vərdişlərdə edilən altı sadə dəyişiklik sayəsində xəstəliyə nəzarət etmək, hətta tam sağalmaya (remissiya) nail olmaq mümkündür.Həkimlər müalicənin əsasını altı prinsip üzərində qurmağı təklif edirlər. Bura bitki mənşəli qidalanmaya üstünlük vermək, müntəzəm fiziki məşqlər, keyfiyyətli yuxu və stressin idarə olunması daxildir.Eyni zamanda zərərli vərdişlərdən imtina etmək və sağlam sosial əlaqələr qurmaq xəstəliyin gedişatını köklü şəkildə dəyişir. Kollecin prezidenti Padmaca Patel qeyd edir ki, xroniki xəstəliklərə yanaşma tərzi dəyişməli və əsas hədəf xəstəliyi sadəcə idarə etmək deyil, ondan tamamilə azad olmaq olmalıdır.Diabetin geniş yayılma səbəbləri arasında oturaq həyat tərzi, həddindən artıq işlənmiş qidalar və xroniki stress xüsusi yer tutur. Norveçli alimlərin uzunmüddətli araşdırmaları göstərir ki, hətta genetik meylliyi olan şəxslərdə belə sosial mühit və iş yerindəki gərginlik xəstəliyin yaranma riskini artırır. Xüsusilə az yuxu və yüksək təzyiq bədənin metabolizmini pozaraq şəkərin səviyyəsinə mənfi təsir edir.Həkimlər remissiyaya nail olmaq üçün çəki itirməyin vacibliyini də vurğulayırlar. Müşahidələr göstərir ki, 10-15 kiloqram çəki atmaq əksər pasiyentlərdə şəkərin normallaşması üçün kifayət edir. Maraqlıdır ki, bəzi gözlənilməz faktorlar da risk yaradır. Məsələn, sutkada altı saatdan az yatmaq diabet riskini 16 faiz artırır. Həmçinin pəhriz içkilərində olan süni dadlandırıcılar bağırsaq mikroflorasına təsir edərək şəkərin mənimsənilməsini çətinləşdirir. Sağlam həyat tərzi və düzgün qidalanma bu mürəkkəb prosesi geri döndərmək üçün ən effektiv vasitə hesab olunur.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
