Müəllif: Tamara Mustafayeva, Banco.az
Hindistan yeddi ildən sonra ilk dəfə İrandan neft alıb.
Banco.azxəbər verir ki, Hindistanın Yaxın Şərqdəki gərginlik və Hörmüz boğazında təchizat axınının pozulması fonunda 7 ildən sonra yenidən İrandan neft aldığı bildirilib.
Hindistanın Neft və Təbii Qaz Nazirliyinin ABŞ mənşəli “X” şirkətinin sosial media platformasındakı hesabında yayımlanan açıqlamada qeyd olunub ki, ölkənin neft emalı zavodları xam neft tələbatını müxtəlif mənbələrdən qarşılayır və bu çərçivədə İrandan da yenidən alış həyata keçirilib.
Açıqlamada İrandan neft idxalı üzrə ödənişlə bağlı hər hansı maneənin olmadığı vurğulanıb.
Hindistanın xam nefti 40-dan çox ölkədən təmin etdiyi bildirilib və şirkətlərin kommersiya qiymətləndirmələrinə əsasən müxtəlif mənbə və coğrafiyalardan neft tədarük etmək elastikliyinə malik olduğu qeyd edilib.
Hindistan ABŞ-ın İran neftinə qarşı tətbiq etdiyi sanksiyalar üzrə verdiyi istisnaları 2019-cu ildə yeniləməməsindən sonra bu ölkədən neft alışını dayandırmışdı.
ABŞ–İsrail ilə İran arasında baş verən müharibə səbəbindən Yaxın Şərqdə neft və mayeləşdirilmiş təbii qazın dünya bazarlarına daşınmasını təmin edən Hörmüz boğazının faktiki olaraq bağlanması enerji bazarlarında böhrana səbəb olmuşdu.
Bizi sosial şəbəkələrdən izləyin!!
