Ayna portalından verilən məlumata görə, ain.az xəbər yayır.
Rafael Hüseynov və deputat Elnarə Akimova Özbəkistanda tədbirlərdə iştirak edəcəklər
Milli Məclisin sədr müavini Rafael Hüseynov və deputat Elnarə Akimova aprelin 5-də Özbəkistanın Daşkənd şəhərinə səfər edəcəklər. AYNA.AZ xəbər verir ki, deputatlar səfər zamanı “Nizami Gəncəvi və Əlişir Nəvai paralelləri” beynəlxalq konfransında, “Birinci Türkoloji Qurultay – uzaq keçmişimizdən uzaq gələcəyə” adlı elmi-praktik konfransda və bir sıra mədəni-maarifləndirici və elmi tədbirlərdə iştirak edəcəklər.
Özbəkistandakı Heydər Əliyev adına Azərbaycan Mədəniyyət Mərkəzi, Nizami adına Özbəkistan Milli Pedaqoji Universiteti, Daşkənd Dövlət Şərqşünasliq Universiteti və Özbəkistan-Azərbaycan Dostluq Cəmiyyətinin birgə təşkilatçılığı ilə keçiriləcək tədbirlərdə türk xalqlarının tarixinə və ədəbiyyatına dair məruzələr dinləniləcək, müzakirələr aparılacaq.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
