Avropa İttifaqı və üzv dövlətlər 2022-ci ildən Ukraynadakı mina təmizləmə səylərinə 360 milyon avrodan çox dəstək verib.
APA xəbər verir ki, bu barədə Aİ-nin Beynəlxalq Mina Maarifləndirmə və Mina Fəaliyyətinə Yardım Günü ilə bağlı bəyanatında qeyd edilib.
Bəyanatda vurğulanıb ki, Aİ Ukraynada ən böyük donor olaraq ixtisaslaşmış avadanlıqları, aşkarlama itlərini və müharibənin partlayıcı qalıqları ilə çirklənmiş torpaqların təmizlənməsi və bərpasını dəstəkləyir.
Beynəlxalq Mina Maarifləndirməsi və Mina Fəaliyyətinə Yardım Günündə Aİ, insanların həyatını qorumaq üçün çalışan mina təmizləyənləri və humanitar işçiləri təltif edir.
Aİ həmçinin Piyada Əleyhinə Mina Qadağanı Konvensiyası və onun universal tətbiqinə qətiyyətlə sadiq olduğunu bildirir.
Qeyd edək ki, bu gün Beynəlxalq Mina Xəbərdarlığı və Mina Təhlükəsi ilə Mübarizəyə Yardım Günüdür.
