SAS bölməsi mümkün eskalasiya fonunda diplomatların və vətəndaşların təxliyəsi üçün nəzərdə tutulub...
Avstraliya Yaxın Şərqə gizli şəkildə Xüsusi Hava Desant Xidmətinin (SAS) bölməsini göndərib.
Poliqon xəbər verir ki, bu barədə The Daily Telegraph nəşri məlumat yayıb.
Məlumata görə, söhbət təxminən 90 hərbçidən gedir və onların Dubay yaxınlığında yerləşən Əl-Minəd aviabazasında yerləşdirilməsi planlaşdırılır. Bu addım regionda vəziyyətin daha da gərginləşməsi ehtimalı ilə əlaqələndirilir.
Bildirilir ki, göndərilən kontingentin əsas vəzifəsi Avstraliya diplomatlarının və digər vətəndaşlarının Yaxın Şərq ölkələrindən təcili təxliyəsinə hazırlıqdır.
Nəşr qeyd edir ki, bu xüsusi təyinatlı qüvvələr ABŞ-nin regionda həyata keçirdiyi hərbi zərbələrdə iştirak etməyəcək və onların fəaliyyəti yalnız müdafiə və təxliyə məqsədləri ilə məhdudlaşacaq.
Analitiklər hesab edirlər ki, bu addım regiondakı qeyri-sabitliyin artması fonunda Qərb ölkələrinin ehtiyat tədbirlərini gücləndirdiyini göstərir.
Poliqon.info
