Rusiyalı aktyor və rejissor Sergey Bıstritski vəfat edib.
Kulis.az xəbər verir ki, sənətçi xərçəngdən dünyasını dəyişib.
Mərhumun həyat yoldaşı bildirib ki, Bıstritski Ximki şəhərində dəfn olunacaq.
1986-cı ildə "VGIK"in aktyorluq fakültəsini bitirən Bıstritski burada Sergey Gerasimov və Tamara Makarovanın emalatxanasında təhsil alıb. O, kinoda debütünü isə 1979-cu ildə edib və “Mavi portret” filmində 13 yaşında rol alıb.
Aktyor həmçinin Rusiya Kinematoqrafçılar İttifaqının üzvü olub.
Qeyd edək ki, o, dublyajçı kimi də fəaliyyət göstərib.
