ABŞ Mərkəzi Komandanlığı (CENTCOM) 🇮🇷 İrana qarşı hərbi əməliyyatları dəstəkləmək üçün ABŞ Hərbi Hava Qüvvələrinin yeni EA-37B Compass Call elektron müharibə təyyarələrinin yerləşdirildiyini açıqlayıb.
Vətəninfo.az “The Wall Street Journal” qəzetinə istinadən xəbər verir ki, EA-37B Compass Call təyyarələri taktiki hava və yerüstü əməliyyatlar zamanı düşmənin rabitə sistemlərini, erkən xəbərdarlıq və aşkarlama radarlarını, həmçinin naviqasiya infrastrukturunu effektiv şəkildə sıradan çıxarmaq və maneə törətmək imkanına malikdir.
Məlumata görə, EA-37B platforması ağır şəkildə modernləşdirilmiş Gulfstream G550 biznes təyyarəsi əsasında hazırlanıb və əsas məqsədi döyüş şəraitində elektron müdaxilə vasitəsilə düşmənin koordinasiya və idarəetmə imkanlarını zəiflətməkdir.
