Metbuat.az xəbər verir ki, CXP sədri Özgür Özel erkən seçkinin anonsunu verib. Müxalifət lideri hakimiyyətə “sarsıdıcı zərbə” vurmağa hazırlaşdıqlarını bildirib. “Yaxın günlərdə qərarımızı açıqlayacağıq. Konstutusiya ölkədə erkən seçki tələb edir”, - deyən Özel tezliklə Türkiyə Böyük Millət Məclisinin sədri Numan Kurtulmuşla görüşəcəyini açıqlayıb. Türkiyə mediası CXP sədrinin açıqlamasına dair mülahizələrini bölüşüb. KİV iddia edib ki, CXP-ni təmsil edən 22 deputat gələn həftə parlamentdən istefa verəcək. “Hazırda Türkiyə Böyük Millət Məclisində 8 deputat yeri boşdur. 22 deputat istefa verəndə parlamentdəki boş deputat yerlərinin sayı 30-a çatacaq. Türkiyənin seçki qanunvericiliyinə görə, 30 deputat yeri boşalanda ölkədə yeni parlament seçkiləri keçirilməlidir”, - Türkiyə mediası belə yazıb.
Qeyd edək ki, CXP-dən seçilmiş 16 bələdiyyə sədri son iki ildə müxtəlif səbəblərlə vəzifədən uzaqlaşdırılıb. CXP bunu müxalifətə qarşı siyasi təzyiq kimi qiymətləndirir.
