Ankara, 1 aprel, AZƏRTAC
31 Mart - Azərbaycanlıların Soyqırımı Günündə şəhidlərin əziz xatirəsinə hörmət əlaməti olaraq Ankaradakı Respublika Qülləsi üçrəngli Bayrağımızın rəngləri ilə işıqlandırılıb.
AZƏRTAC xəbər verir ki, qərar Ankaranın Keçiören Bələdiyyəsinin rəhbərliyi tərəfindən qəbul edilib.
Bələdiyyə nümayəndələri 1918-ci ilin mart-aprel aylarında erməni-daşnak silahlı dəstələri tərəfindən həyata keçirilən soyqırımı ilə bağlı Azərbaycanla həmrəylik nümayiş etdiriblər.
Ölkəmizin Türkiyədəki səfirliyi bu mənalı həmrəylik və qardaşlıq nümunəsinə görə Keçiören Bələdiyyəsinə minnətdarlığını bildirib.
Ramin Abdullayev
AZƏRTAC-ın xüsusi müxbiri
Ankara
