“Avropanın NATO ölkələri ABŞ hərbi-sənaye kompleksi üçün əsas bazar olaraq qalır”.
Qaziler.az-ın məlumatına görə, bunu politoloq və amerikalı ekspert Malek Dudakov “NEWS.ru”ya bildirib. Onun sözlərinə görə, Alyansın qorunması və fəaliyyəti Vaşinqtonun iqtisadi maraqları, o cümlədən Avropa tərəfdaşlarına silah təchizatı ilə birbaşa bağlıdır.
“NATO daxilində ABŞ və AB ölkələri arasında bir uçurum var - demək olar ki, hamısı Donald Trampın İrana qarşı hərbi sərgüzəştini dəstəkləməkdən imtina edib. ABŞ prezidentinin komandasında bütün bloka qarşı mənfi hisslər yaranır. Düşünmürəm ki, ABŞ-nin Alyansdan çıxması barədə danışmağa gərək var. Bu, NATO-nun dağılmasına və silahlarını avropalılara satmalı olan Vaşinqton üçün mənfi nəticələrə səbəb olacaq. NATO dağılarsa, Amerika hərbi-sənaye kompleksi bazarında problemlərlə üzləşəcək. Buna görə də ABŞ NATO-da islahat aparmağa çalışacaq”, - Dudakov qeyd edib.
O, Trampın razılığa gələ biləcəyi ölkələrlə kiçik ittifaqlar qurmağa çalışacağını istisna etməyib. Politoloq Ağ Ev liderinin Şimali Avropa dövlətlərinin liderləri ilə ortaq dil tapa biləcəyinə inanır.
QAZİLER.AZ
