BAKI, 28 mart. TELEQRAF
Buşehr Atom Elektrik Stansiyasında vəziyyət pisləşməkdə davam edir.
Teleqraf xəbər verir ki, bunu "Rosatom"un baş direktoru Aleksey Lixaçev bildirib.
Onun sözlərinə görə, reaktor avadanlığını su ilə təmin edən nasos stansiyasının yaxınlığında üçüncü sursat partlayışı baş verib.
"Platformada vəziyyət pisləşməkdə davam edir. İşləyən 1 nömrəli enerji blokunun ərazisinə dünən gecə üçüncü dəfə hücum edilib. Sursat, ikinci dəfə olduğu kimi, reaktor avadanlığını su ilə təmin edən nasos stansiyasının yaxınlığında partlayıb. Bunun nüvə təhlükəsizliyinə birbaşa təhlükə yaratdığını təxmin etmək çətin deyil. Xoşbəxtlikdən, itki yoxdur", - deyə o bildirib.
