Çexiyanın Moskvadakı səfiri Praqadakı Rus Evinə edilən hücumla əlaqədar Rusiya Xarici İşlər Nazirliyinə çağırılıb.
APA-nın Moskva bürosu xəbər verir ki, bu barədə Rusiya Xarici İşlər Nazirliyi məlumat yayıb.
Bildirilib ki, səfirə etiraz bildirilib.
Rusiya Çexiya tərəfindən hücumu araşdırmağı və məsul şəxsləri tapıb cəzalandırmağı tələb edib.
Qeyd edək ki, martın 26-da Praqadakı Rus Evinə Molotov kokteyli atılıb.
